НҮҮР ХУУДАС

ГРУППИЙН ТОГТОЛЦОО

ҮЙЛ АЖИЛЛАГААНЫ ЧИГЛЭЛ

ХАМТРАН АЖИЛЛАХ

АЖЛЫН БАЙР

МЭДЭЭ / MЭДЭЭЛЭЛ

ХОЛБОО БАРИХ

PEPPERLUNCH МОНГОЛ

“Sizzle it your way” буюу “Өөрийн хоолоо өөрийнхөөрөө бүтээ” уриатай тус брэнд нь хоолны соёлыг шинээр тодорхойлсон шинэлэг үйлчилгээ үзүүлдгээрээ онцлогтой. Хэрэглэгч бүр 260°C халсан ширмэн таваг дээр мах, будаа, хүнсний ногоог өөрийн хүссэнээр хольж, амталж, хоолоо шууд ширээн дээрээ буюу зочин өөрөө хоолоо хүссэн хэв маягаараа болгож идэх юм. Энэ өвөрмөц туршлага нь зөвхөн амттай хоолоор хязгаарлагдахгүй, сонирхолтой туршлагыг ч мөн бий болгоход оршино. Pepper Lunch-ийн хамгийн гол зорилго бол амт чанар, хэрэглэгчийн оролцоо, тав тухтай орчныг хослуулсан шинэлэг хоолны соёлыг Монголд амжилттай нутагшуулах явдал юм.

МАНАЙ ХАРИЛЦАА

Pepper Lunch Монголын баг хамт олон бид хэрэглэгчийн сэтгэл ханамжийг нэн тэргүүнд тавьж үйлчлүүлэгчидтэйгээ тогтвортой, харилцан ойлголцлын үндсэн дээр тулгуурласан урт хугацааны итгэлцлийг бий болгохоор зорьж, тэдний санал хүсэлтийг хүндэтгэн хүлээж авч, үйлчилгээний чанараа тасралтгүй сайжруулахад оршино.

Манай салбарууд нь найрсаг харилцаа, түргэн шуурхай үйлчилгээ, сэтгэл ханамжийн өндөр түвшин бүхий үйлчилгээг нэвтрүүлж, хэрэглэгч бүрийг тусгай зочин мэт угтаж, дулаан уур амьсгалд хооллох боломжийг бүрдүүлдэг. Бидний харилцаа бол зүгээр нэг худалдан авагч ба үйлчилгээ үзүүлэгчийн хоорондох холбоо биш, харин хоолны аз жаргалыг хуваалцагч найз нөхдийн холбоо юм.

Pepper Lunch Beef
Pepper Lunch Chicken

МАНАЙ БҮТЭЭГДЭХҮҮН

Pepper Lunch-ийн меню нь чанартай, шим тэжээлтэй, шинэлэг амттай хоолнуудаас бүрддэг. Манай нэрийн бүтээгдэхүүн болох “Pepper Rice” нь 260°C халаасан халуун ширмэн дээр шарсан үхрийн мах, будаа, перец болон эрүүл ногоонуудын төгс зохицол бөгөөд амт, үнэр, өнгө гурвыг нэг дор багтааснаараа онцлог юм.

Үүнээс гадна уламжлалт Япон стейк (Pepper Steak), Бяслагтай карри будаа, Удон гоймон болон паста, хөнгөн зууш, амтат ундаа зэрэг өргөн сонголт бүхий цэсийг танд санал болгож байна. Бүх бүтээгдэхүүнүүд нь шинэхэн түүхий эдээр өдөр тутам бэлтгэгдэж, хэрэглэгчийн нүдэн дээр шууд боловсруулагдан үйлчилдгээрээ онцлог юм.

МАНАЙ ОРЧИН

Pepper Lunch нь орчин үеийн интерьер дизайны шийдэл бүхий, цэвэр, тухтай, гэр бүл, найз нөхдөөрөө хооллох таатай орчныг санал болгодог. Рестораны дотоод уур амьсгал нь дулаан мэдрэмж төрүүлэх өнгөний сонголт, тухлаг ширээ сандал, агааржуулалт, гэрэлтүүлгийн оновчтой шийдлээр дамжуулан танд тав тухтай орчинд хүссэн үйлчилгээгээ авах боломжийг олгох юм.

Бидний зорилго бол зөвхөн хоол зооглох газар байхаас гадна — бие биеэ ойлгож, цагийг аз жаргалтай өнгөрүүлэх орчин бүрдүүлэхэд оршино.

Pepper Lunch
Facebook
Instagram