2025/11/06

Монгол хоолны өв соёлыг орчин үеийн үйлчилгээний түвшинд түгээн дэлгэрүүлж яваа “The Bull Hot Pot” ресторан өнөөдөр 9 дэх салбараа Зайсанд байрлах Sila Center-ийн 3 давхарт нээлтээ хийлээ.

Шинэ салбар нь 156 хүн нэгэн зэрэг хүлээн авах хүчин чадалтай, мөн хамгийн олон VIP буюу кабин өрөөтэй гэдгээрээ онцлог юм. Хоолны чанар, шөлийн амт, үйлчилгээгээрээ олон жил хэрэглэгчдийн итгэлийг хүлээсэн тус ресторан ясны шөлөө 48–72 цаг буцалгаж, нэрийн “Дөрвөн шимт шөл”-нийхөө борвины яс, тойг, далны урд хэсэг, годон зэргийг 8–12 цаг чанаж бэлтгэдэг уламжлалт арга барилаараа бусдаас ялгардаг.

2007 онд анхны салбараа нээснээс хойш “The Bull Hot Pot” нь Монголчуудын өөрсдийн халуун тогооны соёлыг бий болгож, монгол шөлийн онцлог болон хоолны жорыг орчин үеийн халуун тогооны хэлбэрт нутагшуулан өдгөө 18 дахь жилдээ түгээж байна.

НьюБулл ХХК-ийн Гүйцэтгэх Захирал П.АРИУНАА нээлтийнхээ үеэр,

"Анх бид 2007 онд Хүүхдийн Зуу-д анхны салбараа нээж байлаа. Өнөөдөр бид хамгийн отгон 9 дэх салбараа ийнхүү нээж байна. Энэ хугацаанд бид 559 ажилтантай өнөр өтгөн айл болоод өргөжөөд явж байна. Үйлчлүүлэгчид маань түлхүү кабин өрөөнд тусдаа суухыг илүүд үздэг тул Sila Center дэх уг салбартаа хамгийн олон өрөөг шийдсэн.

Бид зочдодоо хамгийн эрүүл, шинэ бүтээгдэхүүнийг өгдөг. Жишээлбэл, банш, гурилан бүтээгдэхүүнээ л гэхэд захиалахад нь шууд хийж өгдөг. Хэзээ ч хөлдөөсөн бүтээгдэхүүн хэрэглэдэггүй"

Байнгын үйлчлүүлэгч Ч.БАДАМДОРЖ:

"The Bull бол Монгол брэнд. Хятад, Солонгос ч юмуу хаа нэгтээгээс орж ирсэн брэнд биш. Монголчууд өөрсдөө зохиож, монгол хүний идэж заншсан хоолыг авчирсан хоолны газар. Би 2017 оноос эхнэрийнхээ хамт "The Bull"-ээр үйлчлүүлэх болсон. Энэ олон жил Bull-ээр үйлчлүүлэхэд хоёр зүйл анзаарагддаг. Нэгдүгээрт, Аль ч салбарт идсэн хоолны амт, чанар хэзээ ч өөрчлөгддөггүй. Хоёрдугаарт, үйлчилгээ байнга шинэчлэгддэг. Монголд гоё эхлэсэн ч явцдаа үйлчилгээ ч байхгүй, эд хэрэгсэл, орчин гээд л бүх зүйл нь хуучраад явдаг. Тэгэхээр энэ хоёр зүйл л энэ олон жил намайг байнгын үйлчлүүлэгч болоохөд нөлөөлсөн. Шөлний амт нь Монгол хүний амтлагаанд яг тохирдог. Маажаан нь хүртэл Монгол хүнд тохирсон. Одоогоор эдний маажаныг гүйцэх газар олоогүй л байна."

Монгол брэндийн нэрийн хуудас болсон “The Bull Hot Pot” шинэ салбарынхаа нээлтээр уламжлалт амтыг орчин үеийн тав тухтай орчинд мэдрүүлэх шинэ аяллаа ийнхүү эхлүүллээ.